Әлмәттә юлларда ремонт

Йортларына капиталь ремонт уздыруларын сораган мөрәҗәгатьләрне халык белән уздырган һәр җыелышта ишетергә туры килә. Республикада программа буенча 996 объектның 923 ендә эш бара. Ремонт барышы һәр атнаны Татарстан Президенты Рөстәм Миңнеханов рәислегендә видеоконференция режимында узган брифингта да тикшерелә. Әлмәттә эшләр графиктан калышмый.

Шәһәр юллары да игътибар үзәгендә. Район башкарма комитеты җитәкчесе Марат Гыйрфанов Ленин-Әминов, Совет-РТС, Базовая, Тимирязев, Маяковский, Пушкин урамнарын кыска вакытта ремонтлау бурычы торуын җиткерде. Бу максатка нефтьчеләр 250 миллион сумнан артык акча бүлеп биргән.