Әлмәттә шепкән үстереләчәк

Бүген дә төрле планнар, хыяллар белән янып яши ул.
Мул уңышка шатланырга да, көенергә дә белми хуҗалык җитәкчеләре. Ашлыкны урнаштырырга да кирәк бит. Ә сату бәясе нык түбән. Кредит түләргә, хезмәт хакы бирергә, башкасына да акча кирәк. Николай Малышев киләсе еллар өчен план кора башлаган. Исәбе - үзенең хуҗалыгында кыйммәтле май культурасыннан саналган шепкән (рыжик) культурасы үстерү. Бу юнәлештә эш башланган. Россия-Һиндстан компаниясе белән хезмәттәшлек җепләре сузылган. Орлык сатып алынган, махсус чәчкеч, культивация агрегатлары булдырылган. 380 гектарда уҗым шепкәне чәчелгән инде.
- Язын сабан шепкәне дә чәчәкбез. Тагын шулай ук май культурасы булган люпин утыртуны да күздә тотабыз. Бодайга сорау юк икән, ихтыяҗ булган башка культуралар игү белән шөгыльләнәчәкбез, - диде КФХ башлыгы.