Әлмәт сабантуенда «Нива» машинасы кемгә эләкте?[+ФОТОЛАР]

Мәйданда, гадәттә, ике машина - берсе баш батырга, берсе - ел дәвамында иң яхшы уңышларга ирешкән авыл хуҗалыгы предприятиесенә аталган ул автомобильләр. Нәтиҗәләр төрле җитештерү күрсәткечләренә карап билгеләнә. Быелның нәтиҗәләре буенча иң яхшы хуҗалык диеп «Актау» ҖЧҖ билгеләнде. Хуҗалык директоры Данис Хәбибуллинга «Нива» автомобиленнә ачкычлар тапшырылды.

- Дөресен генә әйткәндә, бу бүләкне көтмәгән идем. Бик шатмын. Әлеге автомобиль - зур булмаган, әмма тату коллективыбызның уртак хезмәт нәтиҗәсе. Бүген мин беренче чиратта хезмәттәшләрем каршында рәхмәт әйтеп баш иям, - ди Данис.