Елховойлылар һәм Түбән Абдул халкы сабантуй көтә

Елховой җирлеге башлыгы Дания Хәйрисламова сүзләренчә, бәйрәм, гадәттәгечә, авыл хуҗалыгы алдынгыларын бүләкләү белән башланачак. Биредә шулай ук авылдашлары исеменнән рәхмәт сүзләрен ветераннар советы рәисенә, зират карап торучы фидакарьләргә һәм мәчет имамнарына да җиткерергә ниятлиләр.

Моннан тыш халкыбызның элек-электән килгән матур уеннарын уздыру планлаштырыла. Әлбәттә инде, бәйрәмнең кульминацион ноктасы ат чабышлары һәм татар милли көрәше белән бәйле. Җиңүчеләргә бүләкләрне авыл эшкмәкәрләре, фермерлар, Елховой һәм Түбән Абдул авылыннан чыккан күренекле якташлары әзерләгән.

Бәйрәм көндезге бердә башлана, рәхим итегез!